復活節假期仲未計劃去哪裏玩?就為大家精選出全港最新復活節主題活動,商場影相位、市集、期間限定店及工作坊等好去處!

「合味道紀念館香港」

備受矚目嘅日清食品 – 合味道紀念館香港喺 3月26日尖沙咀中港城正式開幕喇!即食麵迷可以喺3月30日起正式入場。參加者仲可以親自創作獨一無二嘅食品同帶返屋企珍藏,同時可以親身體驗安藤百福先生革新食品製作同飲食文化的創新之旅,亦可以探索品牌背後嘅有趣小知識!

香港紀念館以「安藤百福創造力之旅」為主題,特設三大全新必到打卡位同三大體驗式工作坊。重點推介全球獨家限定兼全新登場嘅「榖物麥片工作坊」,參加者可從中了解此新產品誕生嘅緣由同製作過程;而經典「我的合味道工作坊」同「出前一丁工作坊」亦會強勢回歸。

三大全新必到打卡位

超吸睛「杯麵牆」齊集來自全球各地不同口味同包裝嘅合味道杯麵;高達3米嘅「大杯麵」重現安藤百福先生研發此家傳戶曉嘅食品時所運用嘅創意同逆向思維;以及特色展牆介紹安藤百福先生三大發明—即食麵、合味道杯麵同「太空拉麵」(Space Ram)和背後嘅趣聞,同時展示日清食品多年來的發展里程碑。

打完卡記得唔好錯過紀念品店,買番一兩件心水獨家精品,為今次旅程劃上圓滿嘅句號!

地點:尖沙咀廣東道33號中港城2樓26-35號 

入場收費/人 (成人及小童同價):紀念品店免費入場

我的合味道工作坊: HK$60 (30 分鐘)

出前一丁工作坊: HK$120 (90 分鐘)

穀物麥片工作坊: HK$60 (30 分鐘)

網上預購門票:www.cupnoodles-museum.com.hk

開放時間: 

星期一、二、四、日:11.15am-8.15pm

星期五、六及公眾假期:11.15am-9.15pm

星期三:休館日 (如星期三是公眾假期, 其後一天將會休館)

The One x 鱷魚先生「我的復活節不可能那麼壞」

今個復活節,日本爆紅 IG 插畫家 Keigo(河尻圭吾)筆下角色登陸咗尖沙咀 The One喇!Keigo以鱷魚先生、長頸鹿等動物作為主角,打造出既厭世又詼諧搞笑嘅插畫作品,並喺櫻花季節展開一場華麗露營賞櫻之旅,以觸動少女心嘅八大夢幻粉紅華麗露營秘境滿足港人外遊賞花的心願,加上Keigo 動物角色嘅「厭世」氛圍,同唯美景緻格格不入嘅尷尬情節將會為今個復活節帶來歡笑,打卡程度滿分爆星!

時間:即日至 2021年 5月 2日 (10am ‑ 10pm)

地址: 尖沙咀彌敦道100號 The One G/F(加拿分道入口)、UG2中庭、L3、L5及L7

跳出傳統框框嘅「花見大館」

今個復活節4月2至5日,大館首個戶外花藝市集喺檢閲廣場舉行,「花見大館」重塑傳統花卉市集概念,到時整個檢閱廣場將會佈滿花藝同綠葉裝飾,令人目不暇給,同時大館精心挑選出多間充滿理念嘅本地品牌,展示本地農產品及創作,如花茶、雞尾酒、陶器等。免費入場,一齊嚟慶祝春回大地嘅花開季節!

活動詳情:大館

市集時間:

02.04.2021|1pm-7pm

03-05.04.2021|12pm-7pm

地址: 中環荷李活道10號

「黃金海岸「 掃碼」親子尋蛋樂 2021」

今個復活節香港黃金海岸首次推出「掃碼」獵蛋遊戲,只需用智能手機在黃金海岸酒店、商場、大草地等不同地方,尋找復活蛋掃描二維碼,以獲取積分,分數愈高,禮品愈豐富,包括香港黃金海岸酒店免費住宿、家庭攝影禮券、餐飲禮券等等。尋蛋以外,大家仲可以玩夾蛋、扭蛋同有獎攤位遊戲!宜家酒店正推出主題住宿優惠,包括豪華海景客房住宿一晚、「黃金海岸「 掃碼」親子尋蛋樂 2021」門券、戶外遊戲、復活蛋設計工作坊等,快啲帶埋小朋友過一個精采節日!

時間:4月3日至6日11am – 4pm

地點:香港黃金海岸

入場證:$220/套

售票網:https://dining.goldcoasthotel.com.hk/tc/2021-gold-coast-egg-hunt/

「尋蛋滋味360之尋蛋任務」

由昂坪360舉辦,以嶄新形式帶來獵蛋遊戲。小朋友只需按照尋蛋地圖的提示,於昂坪市集不同角落找出五款復活蛋主題圖片,再依照圖案配對貼紙,並正確地貼上復活蛋。完成整個尋蛋旅程後,可到360旅遊資訊中心出示五隻復活蛋完成品,並追蹤昂坪 360 Facebook或Instagram專頁,即可參加大抽獎一次!獎品非常豐富,包括諾富特東薈城酒店雙人兩日一夜住宿連昂坪360來回纜車水晶車廂門票兩張、任天堂Switch遊戲機、昂坪360來回纜車標準車廂門票兩張等,一次過滿足大人小孩的願望,讓大家開心過復活節!

由即日起至3月31日,於昂坪360官方網站預訂4月2日至11日期間的「復活節限定優惠: 早鳥小童門票1折」門票,即可於昂坪市集的360旅遊資訊中心憑票換取尋蛋工具套裝,參加「尋蛋滋味360」主題活動。尋蛋工具套裝包括六隻復活蛋、尋蛋地圖、可愛兔仔耳頭箍、顏色水筆、貼紙連同復活籃!記得去復活節主題佈置打卡位拍照留念,有放大版蛋撻鞦韆到復活彩蛋打卡牆,猶如置身童趣卡通世界,充滿可愛感,快來拍拍照及齊齊放電!

官方預購: 昂坪360

地址:大嶼山昂平路

時間:4月2日至11日 10:30am – 5pm

「愉景灣繽紛復活節2021」

今個復活節,愉景灣以全新的 AR 手機遊戲舉行「獵蛋奇兵」活動,只要用手機獵獲各色復活蛋就可以換領不同奬品,找到金蛋可獲得香港愉景灣酒店山景房一晚連 Cafe bord de Mer & Lounge 自助早餐(兩位成人及一位小童,價值$4,000)!其他獎品還有 Cafe bord de Mer & Lounge 週末自助晚餐、愉景灣溜冰禮劵、愉景北商場餐飲及購物禮劵和其他禮品,總共將近三萬份,總值超過90萬。即日起經klook預購「愉景灣復活節 Fun Pack」,包括:HK$50愉景灣購物禮券一張,HK$50愉景灣餐飲禮券一張,中環至愉景灣單程渡輪船票一張(價值$46)。讓你一家大小慶祝復活節!

預購網站:Fun Pack

地點:愉景灣愉景廣場

時間:2021年4月2日-2021年4月4日

時段A:12:00 – 13:00(報到時間:10:00到11:45)

時段B:14:00 – 15:00(報到時間:12:00到13:45)

時段C:16:00 – 17:00(報到時間:14:00到15:45)

Comment比我,一齊分享吓!

%d 位部落客按了讚: