神秘紐約地下鐵「逆時車站」

登陸咗中環喇!由JPS畫廊聯同新晉藝術家李思汝、林輝同街頭藝術傳奇 Cope2所舉辦嘅「逆時車站」(Time Travel)展覽,喺置地廣場中庭 BELOWGROUND限定展出。

展覽靈感來自1980年嘅經典電影《時光倒流七十年》,藝術家將場地打造成街頭塗鴉文化同懷舊氛圍嘅紐約地下鐵車站,仲設置咗7幅大型畫作,踏進車廂就可以時光倒流四十年,返到街頭藝術發展蓬勃嘅美國八十年代末,體驗當年Cope2同佢嘅團員以狂野塗鴉稱霸嘅紐約地下鐵車站同車廂。

特別邀請咗到新晉藝術家李思汝(Afa Annfa)、林輝(Chino Lam)同街頭藝術傳奇 Cope2聯手合作,融合咗三位獨特嘅藝術風格同塗鴉精神,創作出一系列流行同街頭文化嘅畫作同裝置藝術。展現出顛覆傳統嘅藝術碰撞,同時亦都向街頭藝術對堅持反叛、做自己嘅精神作出致敬。

而街頭藝術傳奇 Cope2亦同時會喺置地廣塲二樓JPS畫廊展出個人展覽,「Following My Path」展覽由即日舉行至4月18日。

快啲約埋熱愛藝術嘅朋友一齊黎,感受非一般嘅視覺享受!

場地名稱: Belowground

展覽日期:即日至5月16日

展覽時間:11am – 8pm

地址: 中環皇后大道中15號地庫 

沙田新城市廣場KAKAO FRIENDS藝術館

藝術館以曾於韓國大林藝術館展出的《Musée de KAKAO FRIENDS》為設計藍圖,突破了博物館的拘謹嚴肅,Ryan、Apeach與一眾朋友會「惡搞」世界名畫,融入經典藝術品,比fans嚟瘋狂打卡影相!

6大搞笑可愛打卡位

門口第一個迎接你嘅係會戴著墨鏡同藍色領帶嘅Ryan,而藝術館入面最矚目嘅係2米高KAKAO FRIENDS版「創造亞當」,幅畫作原來可以咁有喜感!而另一邊搖身一變成大理石雕塑帶你遊走中世紀!,而它們背後嘅KAKAO FRIENDS彩繪玻璃壁畫都勁𡃁,好值得觀賞。

Apeach美術教室

Apeach超可愛咁坐喺美術教室中間乖乖做各位嘅模特兒。Muzi頭戴畫家帽、手持畫筆描繪著自己平日同Con嘅日常,絕對係一大打卡位!

2.5米高電鍍粉紅Apeach

同樣觸目又顯眼嘅造型,吸引咗唔少fans打卡。

仲有好多幅經典名畫展覽區,由Ryan、Apeach、Muzi、Con、Neo、Frodo、Tube同Jay-G亂入多幅世界名畫,更有Frodo化身成「吶喊」主角,「復活」世界名作之外亦悉心為大家準備搞鬼打卡位,鬼馬十足等你嚟留倩影,!

日期:2021年3月23日至5月2日 

時間:星期一至五12:00p.m – 10:00p.m

            星期六日及公眾假期 10:00a.m – 10:00p.m

地點:沙田新城市廣場1期1樓羅馬圓形獻技場 /

            5樓躍動悠園 / 3期3樓

「Ryan、Apeach親親抱抱見面會」

KAKAO FRIENDS大明星 Ryan 同Apeach嚟見Fans呀!快啲嚟同佢哋抱抱兼打卡!

日期:3月27日、4月2至4日 (2:30p.m – 4:30p.m)

笑完打卡完,唔好忘記仲有期間限定店系隔離,近300款精品,包括最新嘅限定版藝術館主題系列!買返一兩件放喺屋企或公司枱頭,得閒笑下當減壓拉!

KAKAO FRIENDS藝術館期間限定店

時間:11:00a.m – 9:00p.m

地點:沙田新城市廣場1期1樓東翼

「時代廣場 x 京都府 – 京燒清水燒展」

銅鑼灣時代廣場最近舉行期間限定陶瓷傳統工藝京燒清水燒展,現場除咗展出30多位京燒清水燒匠人嘅陶瓷作品,仲有櫻花打卡位2.7米鳥居,現場更免費派發超美和風團扇。同時亦可以購買配搭清水燒使用嘅日本清酒和日本線香!

這次聯乘京都府舉辦的陶瓷活動當中,包括京都2020「京燒・清水燒展」嘅兩位上位入賞者森里秀夫同中村正機先生嘅作品,還有被視為與草間彌生同級嘅日本陶瓷藝術家 – 第八代清水六兵衞。所有展品不但喺京都2020「京焼・清水焼展」中獲得陶瓷獎項,更只於此展覽中展出過。可以在現場看到食器、器、燒香器具,以至裝飾物等。

京都風情的打卡位——2.7米鳥居

米鳥居由櫻花樹嘅襯托下,充滿着濃厚嘅日本氣息,馬上感受到置身京都一樣!

現場亦會免費派三款唔同和風設計嘅限量團扇,而展覽中的所有作品將作公開發售,有興趣嘅朋友可以買返屋企紀念!

日期:2021年3月15日至4月7日 

時間:上午10時至晚上10時 

地址:銅鑼灣時代廣場 5樓517-519號鋪

「MOKO春の花見」櫻花主題打卡區 + 迪士尼櫻花季期間限定店

相信好多人每逢春天都想去日本賞櫻,但今年冇得出遊,不過可以去旺角MOKO新世紀廣場遊下「迪士尼櫻花季期間限定店」,入面有3大櫻花主題打卡區等住你,充滿住東瀛嘅感覺!

除咗3大打卡位,為咗令大家感受到日本氣息,現場更還原日本花見名勝地;以15米長嘅鳥居櫻花路,外形依照京都賞櫻名所「竹中稻荷神社」設計,路旁設有日式路燈,櫻花路盡頭亦有紅色鳥居,滿滿日本風情,可以一解思鄉之愁!

解鄉愁之餘,現場仲會發售一系列迪士尼櫻花季主題精品,包括cushions、香薰、幻彩水晶球等過百款精品!部分精品更係獨家發售,實用又超𡃁,女生至愛嘅30cm粉紅色毛公仔、電話殼、餐碟套裝同櫻花形抱枕等等。到時米奇、米妮、小熊維尼等6位迪士尼角色更會現身陪你一齊賞櫻!期間限定店入面更有售多種得意「手信」,一班日本迷以及迪士尼粉絲絕對不可以錯過!

「MOKO春の花見」櫻花主題打卡區 

日期:2021年3月25日至5月19日 

時間:上午10時至晚上10時 

地點:MTR樓層中庭、L1走廊及L2 

迪士尼櫻花季期間限定店 

日期:2021年3月25日至5月19日 

時間:中午12時至晚上8時 

地點:MTR樓層中庭

「Kkplus x APPortfolio Pop Infinity迷你藝術館」

由潮玩平台kkplus同藝術機構APPortfolio聯手所舉辦,喺朗豪坊限定展出,期間將以迪士尼人氣大明星——米奇作為創作靈感,集結多款雪天使造型Snow Angel Mickey。

今次Pop Infinity迷你藝術館,將經典米奇結合藝術、文化同潮流元素,打造出以雪天使為設計主軸的Snow Angel Mickey系列。期間kkplus將展出1.2米高青銅色Snow Angel Mickey雕像,仿如歷史古董。

同場亦會發售多款香港首度發行、及限量發售商品,其中由kkplus於香港首度發行的Cookie & Cream曲奇雪糕版Snow Angel Mickey,米奇輪廓精細活像雪糕雕塑,還有把Snow Angel Mickey 鍍上金漆的Golden Memory 流金版,相信絕對是粉絲們必收藏藝術品!

另外 APPortfolio亦與英國香薰品牌 either:1 設計出15 cm Snow Angel Mickey Diffuse Stone擴香石雕像,備有夜光功能的透光色及鍍銀色版本。易於收藏,加上擴香功能,可以舒展身心同時又可以賞心悅目,推動普及藝術!送禮自用都得!

日期:2021年3月24日至 4月30日

時間:中午十二時至下午九時

地點:旺角朗豪坊12樓 02-03號舖 、pop-up store及4樓通天廣場 

《助六の日常》─ GOTTE首個海外原畫作品展覽 

日本插畫家GOTTE筆下嘅超萌人氣倉鼠「助六」開首個海外畫展,已經登陸尖沙咀海港城!畫展一共展出45幅「小倉鼠助六」嘅原作掃描圖畫,當中更有「助六遊香港」系列手繪掃描畫,超萌!霓虹燈下漫步、山頂上拍照,Free Ham等等,要注意全部都係非賣品呀!但如果對原稿有興趣嘅仲可以購買收藏!

另外仲有近50款可愛助六嘅精品:毛公仔、明信片、毛毯、小吊飾等。而在展覽期間,仲特別設計咗一套共十五張嘅紀念畫卡,並將分為兩個時段發售,首8張卡於3月26日至4月4日有售;另外7張於4月5日至18日推出,想入手的粉絲要留意喇!

日期:明日起至2021年4月18日 

開放時間:11am-10pm 

地點:海港城・美術館(海港城海洋中心二階207號舖)

Comment比我,一齊分享吓!

%d 位部落客按了讚: