香港嘅傳統工藝日漸式微,即使大眾有意承傳亦好難搵到學習門徑。嶺南大學同香港藝術學院 (香港藝術中心附屬機構) 合辦「賽馬會『傳•創』非遺教育計劃」已成功開展第三年,結合研究、教育同活化三大元素,致力喺社區推廣、重新定義同活化香港非物質文化遺產(下稱「非遺」),亦為非遺傳統工藝帶嚟升級轉型、跨界合作同形象改造。

繼往屆於三棟屋博物館、銅鑼灣希慎廣場、白沙道同霎東街舉行「賽馬會『傳‧創』非 教育計劃」作品展覽備受好評,第三屆周年展覽將會進駐K11購物藝術館藝術空間,配合網上展覽,喺2021年6月18日 至 7月4日舉行,俾公眾免費參與,屆時將展示超過500件導師同學生嘅成果與作品,以及策劃一連串限定工作坊同導賞團。 

今屆更增設「賽馬會『傳•創』非遺教育計劃」峰會2021,邀請到英國維多利亞同亞厘畢博物館館長Tristram Hunt博士、日本東京都練馬區立美術館館長秋元雄史先生、金澤美術工藝大學藝術同設計歷史系教授菊池裕子小姐、亞太區手工藝雜誌Garland 執行總編輯及世界手工藝品理事會亞太地區(WCC-APR)副主席Kevin Murray博士為主講嘉賓,共同探討如何以創新嘅方法嚟振興非遺嘅理念同方法、如何將非遺教育納入主流教育體系、怎樣長遠地將非遺項目轉變為創新產業等議題,盼為各界喺非遺教育嘅承傳同創新上帶嚟更多靈感。

新增三大非遺項目-廣彩、白鐵、蒸籠製作技藝

往屆嘅非遺重點項目分別係紮作、長衫製作、剪紙、吹糖、麵塑、木傢俱製作技藝,透過體驗式學習同當代藝術手法融入傳統工藝技術當中,活化香港非物質文化遺產藝術,加深香港青少年對本地非遺嘅了解。第三年嘅教育計劃延續傳承與創新擴展至廣彩、白鐵、蒸籠製作技藝,透過精心設計嘅師徒教學模式,唔單止可以傳授傳統工藝,更可以將傳統手藝之間嘅情懷分享俾學生,而與之拍檔嘅當代藝術家則主力啟發學員嘅創意,令傳統嘅技藝再次發揚光大!

日期:2021年6月18 日至7月4日

時間:早上11時至晚上10時

地點:K11 Art Mall地庫2樓 chi K11藝術空間(九龍尖沙咀河內道18號)

費用:免費入場 

*開幕典禮:  2021年6月18 日(星期五)

時間:     早上11時

地點:     K11購物藝術館 – 露天廣場

第三屆周年展覽配合疫情需要,提供線上展覽,運用全新科技嘅藝術展現手法,令科技發展、文化承傳同創新三方面大膽結合,為觀眾創造與別不同嘅藝術體驗空間同互動,將非遺藝術融入生活當中。

第三屆「賽馬會『傳•創』非遺教育計劃」畢業展覽詳情如下:

網上展覽網址:http://ichplus.org.hk/tc/gallery

「賽馬會『傳•創』非遺教育計劃」峰會2021詳情如下:

另設網上直播:屆時可於https://www.facebook.com/ichplus.org 觀看

Comment比我,一齊分享吓!

%d 位部落客按了讚: