時代廣場黎緊開唐老鴨嘉年華同期間限定店!迪士尼卡通人物唐老鴨性格呆萌,一直以來人氣爆棚,各位唐老鴨粉絲準備喇!同時!由日本直送過嚟嘅KITKAT有限定Pop Up Store,喺銅鑼灣恩平道矚目登場,4個獨特口味系列將會率先比你食左先!唔好猶疑喇,快啲去啦!

唐老鴨期間限定店

全港首間唐老鴨期間限定店馬上登陸銅鑼灣!店內發售逾600款精品,當中有80多款係獨家首賣嘅主題限定精品同可愛家品:唐老鴨造型手挽袋、pat pat cushion、手機殼、Memo Pad、環保袋、襟針、鎖匙扣等。

其他精品仲有毛公仔、口罩套、萬字夾、旅行袋、充電器等,全部都得意又實用。仲會發售多款唐老鴨造型美食、可摺疊環保杯,環保飲管等產品。

場地更特設3大影相打卡位「唐老鴨萌pat大比拼」、「經典造型唐老鴨錯視打卡牆」等,各位唐老鴨粉絲記影相喇。

開放日期:2021年4月1日 – 5月5日

地點:銅鑼灣時代廣場地庫B1層

開放時間:上午11時至晚上9時

《Donald Duck Geometric World》

全港首個以唐老鴨為主題嘅幾何樂園嘉年華《Donald Duck Geometric World》,將於4月13日起,喺時代廣場限定展出,打造7大主題互動專區同全新「唐老鴨珍品展」,由著名首辦公仔創作達人 Eric So聯乘嘅唐老鴨精品一次過展現眼前!

7大主題 + 1:1唐老鴨

包括2.7米「唐老鴨發聲大屁屁」、「唐老鴨互動表情隧道」、6米「唐老鴨趣怪帽子」、「夢幻光影鞦韆」、「扭扭迷幻盒子」、「 玩味搖搖鴨」同「霓虹剪影屋」。各位粉絲們更加可以盡情同1:1嘅唐老鴨裝置影相,打卡嘅你又點可以少得!

二樓「唐老鴨珍品展」

當中將首次展出與著名首辦公仔創作達人 Eric So聯乘嘅唐老鴨精品系列,包括有唐老鴨85週年紀念版銅像,以及展覽限定特別配色唐老鴨Hoopy系列等,記得吾好錯過去參觀! 

日期 : 4月13日(星期二)起

時間 : 上午10時 至 晚上10時

(首日4月13 日將於晚上7時預展活動後開放)

地點 : 香港銅鑼灣時代廣場地面露天廣場及2樓中庭

日本直送KITKAT高級系列朱古力

各位KITKAT迷!由3月31日起至5月2日,KITKAT限定Pop Up Store喺銅鑼灣恩平道矚目登場。店舖由外到內裝修都係日式風格,同喺日本嘅小店無異!日本直送KITKAT高級系列Chocolatory朱古力首度登陸香港,一共有14款口味4個系列,由稀有嘅火山島系列到如真實水果般嘅果味朱古力系列,任你揀!除了有朱古力之外,更可換購由日本設計師岡村優太設計的日式陶瓷杯及木盤套裝、可可豆帆布袋、火山帆布袋等精緻禮品,各位朱古力控把握機會去喇~

14款朱古力主要分為4個系列:分別有Origin(可可產區嘅獨特風味)、Combinatio(朱古力同水果或茶葉)、Process(朱古力嘅製作工藝)同Type(細味形式朱古力),各有特色。14款口味包括:瓦努阿圖馬拉庫拉島火山系列、巴布亞新畿內亞卡爾卡爾島火山系列、菲律賓棉蘭老島火山系列、柚子味、熱情果味、黑加侖子味、覆盆子味、士多啤梨味、抹茶味、RAW朱古力、甘苦朱古力、牛奶朱古力、紅寶石朱古力同白朱古力。

而今次呢個系列嘅朱古力亦會喺全線city’super、LOG-ON指定分店、TASTE指定分店同雀巢香港eShop發售。凡喺各大售賣點(包括Pop Up Store)買滿任何五條或以上嘅朱古力,加港幣$38可以換到由日本設計師岡村優太設計嘅日式陶瓷杯及木盤套裝;其設計靈感喺來自日式和菓子嘅擺盤,將KITKAT® 朱古力與咖啡放喺木盤上,和風風味就係咁嚟。凡於Pop Up Store購買任何朱古力即可加港幣$29換領可可豆帆布袋(小)或火山帆布袋(小)一個;$39換購火山帆布袋(大)一個!喺店內消費滿$100即可獲贈一杯研磨咖啡,體驗朱古力與咖啡的完美配搭。(數量有限,送完即止)

開放日期:2021年3月31日 – 5月2日

時間:11am – 9pm

地點:香港銅鑼灣恩平道54號 

Comment比我,一齊分享吓!

%d 位部落客按了讚: