Marvel期間限定店

旺角THE FOREST展出1:1鐵甲奇俠同洛基打卡位,同場更會發售一系列官方精品,如限量無線充電座、多款模型、T恤、文具等,一眾Marvel迷記得出發!

整個貨櫃以搶眼嘅紅色同霓虹燈等作主調,其中Tony Stark實驗室無線充電座更係獨家發售,只限兩星期。

限定店外會見到非常搶眼嘅1:1鐵甲奇俠,旁邊則有巨型Marvel燈箱,精心布置所有細節位;另一邊有洛基打卡位,俾粉絲置身其中,彷如同洛基喺平行宇宙之中互動。

同時亦有14件全球獨家洛基周邊俾粉絲預購,包括模仿TVA嘅工作服、Miss Minutes時鐘、A5筆記本同襟章套裝等,俾洛基迷盡情選購,輕鬆將家居打造成TVA工作空間。

除此之外,The FOREST 2/F 更舉行咗「夏日動漫祭」,大家可以搵到《進擊的巨人》、《刀劍神域》、《JoJo’s Bizarre Adventure》、《關於我轉生變成史萊姆這檔事》同《鬼滅之刃》嘅周邊精品,粉絲們絕對唔可以錯過!

地點︰G & 1/F, 2/F THE FOREST(旺角奶路臣街17號)

日期︰即日 – 2021年8月25日

時間︰11am – 8pm

小車迷必玩Benz親子賽車體驗館

尖沙咀K11 Musea最近又有新攪作,暑假期間,YUM ME PLAY 喺K11 ATELIER 舉辦全港首個以STEAM 學習為主題嘅Junior Racing Academy 親子賽車互動體驗館,喺Mercedes-EQ、Craft Bamboo Racing 同Arch Education 嘅全力支持下,俾3-12歲嘅YUM ME PLAY 會員一個寓學習於娛樂嘅遊玩天地。

親子賽車互動體驗館佔地超過30,000 平方英尺,共分7 個互動體驗區。焦點項目之一係「賽車模擬體驗」,特別之處係非一般嘅遙控賽車體驗,參加者須佩戴先進FPV眼鏡,以第一身視角扭動真實大小嘅賽車軚盤,操控大型賽道上嘅實體模型賽車。用第一身視角「駕駛」賽車穿梭香港街道,刺激又好玩!模擬器亦適合成人體驗,五分鐘嘅賽程勁刺激,不時同其他賽車手嘅賽車碰撞,好考操控者嘅靈活性同反應。值得留意係,參加者須同時操控軚盤同腳踏,所以遊戲只限身高120cm或以上人士參與。

年紀較小嘅小朋友亦唔需要失望,事關體驗館內設有Mini Race電動車賽場,場內所有兒童電動車均係Mercedes-EQ,光係外形已非常吸睛,小朋友可親身駕駛,體驗賽車飛馳樂趣,但要留意此遊戲只適合3至6歲小朋友參與。

最後,唔好忘記去K11 MUSEA 地下Visual Corridor 欣賞Mercedes-EQ 由德國總部引進嘅電動方程式賽車原型,一睹真實賽車嘅風采!

日期:即日- 2021年9曰12日 10am – 7pm

地址:入口於K11 MUSEA 地庫2樓 Taste Chamber(Avobar 旁)

價錢:登記成為YUM ME PLAY 會籍,可以以每位HK$320入場,會籍包親子賽車體驗館體驗通行證、會籍福利例如獨家購物禮遇、夥伴教育機構嘅免費學習體驗等。

STREET/PARK:全港最大室內滑板體驗Pop-up

隨著滑板成為奧運嘅正式比賽項目,K11 MUSEA 帶嚟全港最大型的室內滑板文化體驗Pop-up!

「STREET/PARK」將引領你由滑板愛好者跳躍或旋轉嘅高難度動作中體驗滑板精神,欣賞擁有收藏價值嘅波鞋同藝術大師設計嘅滑板,為你開啟一場由滑板運動所引伸出來嘅街頭潮流文化探索之旅。

這個突破性嘅體驗Pop-up,由一眾滑板文化界嘅佼佼者聯手打造,包括有本港史上第一家滑板店8FIVE2,帶嚟一系列嘅踩滑板課程;波鞋界收藏家SOLEADDICTT 破天荒地陳列最多、最罕有嘅Nike Dunk 系列波鞋珍藏;以及今次幕後功臣 —— 香港滑板協會(AHKSA)旗下嘅Sk85IVE2 ,設計出令人眼前一亮嘅場地。

場內除咗陳列珍藏級藝術大師設計嘅滑板之外,滑板迷亦可以訂製獨一無二嘅專屬滑板、試用同學習滑板基本技巧等,投入滑板文化體驗之旅!

日期:即日 - 2021年9月19日 11am – 9pm

地址:K11 MUSEA K11 Art & Cultural Centre 6樓 605

另外,一連4星期,參加室內滑板STREET/PARK Pop-up 限定成人或小童課程,跟AHKSA(香港滑板協會)教練學玩滑板,欣賞香港無敵海景,投入滑板文化體驗之旅!

成人班(16+歲課程)- 報名上堂

兒童班(5-15歲課程)- 報名上堂

日期:即日 - 2021年至9月24日

地址:K11 MUSEA K11 Art & Cultural Centre 6樓 605

*「STREET/PARK」限定Pop-up 須預約入場,而此預約並唔包括Sk85IVE2 體驗。訪客須到場內嘅8FIVE2、 SOLEADDICTT 或MoMA消費方可體驗Sk85IVE2。Sk85IVE2 體驗設有人數限制,先到先得,額滿即止。立即報名!

SOLEADDICTT 極罕收藏級波鞋列陣

SOLEADDICTT 陳列波鞋收藏專家Jeff超過300對珍藏級波鞋,帶你重新認識運動服裝品牌巨頭Nike喺街頭文化同滑板運動歷史上舉足輕重嘅地位。

The Archive記錄 Nike SB 近 20 年嘅重大事蹟,呈現Nike 從籃球場走到街頭時尚嘅演變,帶你逐步了解Nike自2002年在滑板運動上奠定地位嘅關鍵時刻同波鞋款式。更可以近距離觀賞從 1985 年嘅最初版Dunk 到Nike 1996 年嘅 pre-SB Air Choad 滑板鞋等價值逾250 萬美元嘅經典藏品。場內亦有SOLEADDICTT 向 Nike Dunk 致敬嘅2021年獨家服裝兼生活產品發售。產品可於現場同 K11 ESHOP 選購。

Comment比我,一齊分享吓!

%d 位部落客按了讚: