鴨洲同吉澳都係歷史悠久嘅漁村,雖然島上居民大多已經出咗市區生活,島上留低嘅人文歷史都好值得一去。兩個都係位於新界東北嘅離島,因為獨特嘅地質地貌,都屬於香港地質公園嘅景點。兩個離島只係相差大概15分鐘船程,因此唔少人會揀兩個小島一日遊。

鴨洲

鴨洲嘅命名係因為其形狀確像一隻半浮於水面嘅鴨。島上最高嘅山只有28米高。係有人居住而面積最小嘅島嶼,1950年代曾經有過千居民,後期大部分都移居海外或遷至市區。雖然漁村只有短短70幾年歷史,但留低嘅文化同歷史故事都好珍貴。而鴨洲擁有獨特嘅地質環境 — 香港罕見嘅褐紅色角礫岩。加上位於島嶼北端著名嘅海蝕拱 —「鴨眼洞」,經歷大概8,000年海蝕作用而產生,仲可以近距離欣賞多種典型嘅海蝕地貌,如海蝕崖、海蝕平台、斷裂帶等,係非常受歡迎嘅地質景點。

「鴨洲故事館」

由鴨洲漁民子弟學校改建而成,展館深入淺出地介紹了吉澳的文化、歷史、故事與習俗,並以嶄新的口述歷史方式講述吉澳居民昔日的故事。館內亦展示了村民昔日使用的生活用品、捕魚器具,以及岩石標本和化石模型等。

吉澳

位於大鵬灣以西、沙頭角以東,擁有近三百年的歷史。因為島形同相反嘅英文字母Z相似,因此英文名稱為Crooked Island,意思係彎曲嘅島。而其彎曲嘅海岸線可作為天然避風港,被漁民視為吉祥的海灣,因而得名「吉澳」。

吉澳島主要由恐龍時代(侏羅紀)嘅凝灰岩構成。凝灰岩係一種火山岩,由巨厚嘅火山灰固結而成。由於島嶼植被覆蓋率高,除海岸線外無明顯嘅岩石露頭。位於島嶼西北端可見小面積褐紅色嘅角礫岩,岩石性質同鴨洲島一致。這種岩石屬於沉積岩,係岩石風化、崩塌,棱角狀大小不一嘅礫石經短距離搬運後堆積,並喺地質作用中膠結而成,係香港較為罕見嘅岩石種類。

吉澳設有地質教育中心,中心展示唔同時期嘅化石仿製品,岩石樣本無玻璃箱或者圍欄阻隔,可親手接觸到岩石嘅質感。中心更有由吉澳村民捐贈嘅天后花轎同服飾,非常珍貴!

吉澳天后宮

依山而建,落成年份已不可考,而廟內現存最古老嘅物件係一個刻有「乾隆二十八年」(即1763年)嘅銅鐘,而該廟曾於光緒元年(即1880年)同1968年重修。天后宮正殿設有天后神像,而左右兩邊就設有「順風耳」同「千里眼」護法神像。而廟前有一棵好大嘅細葉榕,島上人稱之為姻緣樹,相傳企喺樹下,伸手可以抓住剛掉下嘅樹葉,就能有好姻緣。亦由於此樹橫生,所以被人認為係為咗唔好擋住天后睇風景,所以故意咁生長。

喺廟門上畫咗一對外國人門神,相傳係因為以前啹喀兵幫忙翻新廟宇,唔小心將油漆打翻,遮蓋原本嘅門神,惟有半靠記憶半靠想像力,重新畫上。但對門開始霉爛先被換上,放喺廟內比遊客睇睇這對別具特色嘅門。

吉澳自然教育徑

可以行下作登山觀景路線,亦可飽覽印洲塘同大鵬灣一帶嘅美景。

吉澳大街

早喺18世紀末期已經存在,街上有茶樓同幾間雜貨店,亦有各類賣海味乾貨嘅小攤檔。而喺吉澳碼頭附近,亦有漁民設置漁排飼養鹹水魚以作出售。所以離開島嶼之前,不妨買啲海味返去!

**街渡到鴨洲後會停留大概1.5小時,遊覽整個鴨洲大概用1小時,而由鴨洲開去吉澳後會停留大概3.5小時。所以會建議大家先去鴨洲,再去吉澳漫步吉澳自然步道。

交通

乘港鐵東鐵線於大學站下車,由B出口出閘,步行約15分鐘至馬料水三號梯台,來往馬料水碼頭至吉澳/鴨洲的航線逢星期六、星期日及公眾假期運行,但每天只有一班船,而來回收費為$90。根據自己的一日遊需要,計算好時間以趕及街渡船程。

航行路線離開抵達
由馬料水開往吉澳上午900
停靠吉澳上午1030
離開吉澳上午1045
停靠鴨洲上午1100
離開鴨洲中午1230
停靠吉澳中午1245
由吉澳返回馬料水下午1530
抵達馬料水下午1700

Comment比我,一齊分享吓!

%d 位部落客按了讚: