其實香港有唔少靚嘅自然景色，而最近嘅天氣最適合戶外活動，呼吸一下新鮮空氣，踩單車就係其中一環！踩住嚟睇靚景同食下地道小菜或者小食，有得食又有得玩！沿途亦有好多個別具文化特色嘅景點。
內容
隱世斷橋天空之鏡 — 馬鞍山
論特色橋景，泥涌嘅斷橋石躉算係非常獨特，滄桑感。沿途可以欣賞城門河海濱景色，踩到單車徑盡頭就係目的地。泥涌石灘由於位處內灣，更易影到「天空之鏡」嘅效果。
路線：大水坑單車公園＞馬鞍山海濱長廊＞西沙路單車徑＞泥涌石灘＞原路回程
需時：大概2小時 (連小休 + 打卡)
單車店推介
喺馬鞍山大水坑單車公園入面嘅「鴻運單車行61」有提供租車服務，價錢由$40至$120不等。
地址：馬鞍山大水坑單車公園5號舖
電話：2697 8721
古蹟＋飛機禁區 — 東涌
沿路可以睇埋歷史古蹟：舊漁村嘅高腳棚屋，東涌炮台同喺赤鱲角嘅機場維修區，感受到水鄉風情之餘，仲可以喺一條設有倒三角鐵網嘅禁區橋等埋飛機一齊打卡，欣賞埋日落嘅美景！
路線：東涌＞舊漁村碼頭＞侯王宮＞東涌炮台＞機場維修區＞東涌
需時：大概1小時至2小時 (連小休 + 打卡)
浪漫＋意野餐 — 迪欣湖
沿長長嘅海岸線一邊踩一邊欣賞海景，經過小蠔灣車廠站就可以去到迪欣湖，有個大草地可以野餐小休一下。
路線：東涌＞東涌海濱＞北大嶼山公路＞欣澳站＞迪欣湖＞東涌
需時：大概5小時 (連小休 + 打卡)
單車店推介
「東涌專業單車」係唔少區內人會揀嘅店舖，一來單車店位置方便，喺逸東商場樓下，就算區外人亦唔搵到。二來可以日、 週同月計出租，咁就想幾時踩單車都得。價錢大概$100。
地址：逸東商場1期地下28號舖
電話：3141 7086 OR Whatsapp : 90639669
輕鬆追風享樂 — 大圍去大尾督
大圍至大美督這一段路，可以感受到寧靜的氣氛，亦有美食廣場、海洋廣場等等！在到達大美督可以睇到宏偉嘅水壩，感受吹過來嘅微風。
路線：大圍 > 沙田城門河 > 吐露港 (經科學園) > 大埔海濱公園 > 大尾督水壩
需時：大概4至5小時 (連小休 + 打卡)
單車店推介
「亞運單車行」可於大圍，沙田，馬鞍山，白石燒烤，大埔，大尾督交車。
憑上網預約逢星期一至六同憑學生證可獲特價日租50元; 公眾假期除外!!!!
地址：沙田大圍村南道43號 (大圍火車站A出口)
電話：2605 3928/ 2607 3928 OR Whatsapp : 97555377 / 69910558
親親大自然同＋古蹟 — 梅窩
暢遊大嶼山梅窩，踩單車是熱門活動。梅窩雖小，但有水清沙幼的嘅銀礦灣沙灘、行山徑、瀑布同銀礦洞，當然唔少得有400年歷史嘅文武廟同更樓，近大自然同古蹟景點，可以沿海欣賞美景，安全又爽!
路線：梅窩碼頭＞袁氏大屋＞鹿地塘更樓＞仿龍貓巴士站＞文武廟＞銀礦灣鉛礦＞銀礦瀑布＞銀礦灣沙灘＞洪聖古廟＞梅窩碼頭
需時：大概2至2.5小時 (連小休 + 打卡)
單車店推介
秋記提供單車出租，價錢 $20 – $60/小時不等。
地址：梅窩碼頭旁邊
電話：29848464
東南亞風情 + 零死角日落 — 下白泥
喺天水圍出發來回下白泥只係21公里，去鴨仔坑士多吃個下午茶先，再入下白泥睇日落，享受一個休閒日。
路線：天水圍＞鴨仔坑士多＞下白泥
需時：大概1小時
單車店推介
龍記單車星期一至星期日 9:30am -7:30pm，年中冇休，全部公眾假期照常營業！租車 $100-$200 不等
地址：天水圍天福路單車匯合中心
Whatsapp：55058061
新界鄉村傳統建築 + 傳統文物徑
參觀香港碩果僅存的濕地; 參觀新界第二條文物徑，圍村傳統同建築古蹟，認識新界早期居民嘅歷史同生活; 飽覽雙魚河 + 梧桐河嘅優美景色
路線：古洞＞雙魚河＞塱原濕地＞河上鄉圍村＞大水渠＞梧洞河＞龍躍頭文物徑
需時：大概4 – 5小時（休息 + 參觀打卡）
單車店推介
上水單車特賣場租單車 $40-$120/日租 不等。
地址：上水新運路188號劍橋廣場A座3號地舖
電話：2639 2081 OR Whatsapp : 9205 2367
開放時間：每日9:00am-7:00pm