塔門Grass Island 

香港最原生態的島嶼之一,景色一流,四面環海,一望無際!再加上漁鄉人情,令你遠離煩囂、放鬆慢活。

簡單介紹下塔門嘅小小歷史,古稱係佛塔門, 係惠潮同廣州府海路交通嘅一個中途補給站。喺明朝萬曆年間(1573-1619)嘅《粵大記》沿海圖中,就有塔門島嘅記載。島上天后廟入面有乾隆八年(1743)「葉徐送產碑」,鐫刻塔門天后宮喺清初由東官漁商建立,可見塔門當時的漁港活躍。之後喺嘉慶三年(1798)重修,廟碑記載六百多位善信捐款紀錄,其中包括罟店、船戶、店舖等等。塔門港喺清中葉為大鵬灣「形勝之區,舟楫通津之所」。

塔門海傍街

喺呢條塔門主要嘅街道,最能體驗到漁村風情。吹住海風,望住大海上嘅漁艇同漁排,喺海邊餐廳吃住海鮮。又或者買一啲塔門出產嘅海味做手信。

天后廟

至今已有400餘年歷史,而廟頂那些已有逾百年歲月的陶瓷雕塑,精細的工藝令人驚艷。喺大節日(如天后誕)會有好多漁民去塔門上香祈求平安,香火鼎盛。

海景大草地

沿著荒廢學校左邊嘅小徑行,迎面而黎嘅係一片遼闊草原,草地上牛群遍野,可以喺呢度野餐抖下,又或者喺山坡上嘅觀海亭享受下,打卡一流!

島上名勝亦有好多,如塔門洞、呂字石、龍頸筋等。

塔門洞

洞口約 5 米高闊 3 米,相傳塔門洞係一個可以直通天后廟內嘅神檯,喺神檯旁可以聽到岸邊嘅海浪聲,同天后廟嘅靈石可以預測到風暴之說。

呂字石

海邊有2塊巨大方形石疊著,呈「呂」字形,係天然岩石奇觀。疊石遠觀外形酷似佛塔,再加上附近嘅塔門洞,整個睇起黎就好似一道門迎向大海,所以古人稱這個島為「佛塔門」,後來先簡稱塔門。

龍頸筋

位置喺塔門車灣,果一帶都係石灘。龍頸筋係一塊形狀突出嘅巨型岩石,,就好似斷頭嘅龍。石嘅兩邊長期受海浪拍打,岩石底部貼滿貝殼。

交通:

喺西貢市中心搭乘94號巴士去黃石碼頭,可以揀坐街渡,船程大概35分鐘。 (有關街渡時間同收費)又或者揀坐快艇,船程大概5-6分鐘;詳情可以問當日船家查詢同講價。

Comment比我,一齊分享吓!

%d 位部落客按了讚: