一直致力推行潮流文化同藝術嘅尖沙咀K11 Art Mall,今個暑假又有快閃展覽同限定店喇!有日本動漫不滅經典之稱嘅《機動戰士高達》STRICT-G;被譽為日本極具潛力嘅少年漫畫話題作 —《咒術迴戰》開設全港首間限定店!

《機動戰士高達》STRICT-G概念店

以往想入手STRICT-G 獨家高達精品,都要專誠飛去東京台場旗艦店朝聖。今日踩入香港K11 Art Mall,以黑白主題的面貌登陸!概念店同洛杉磯軍裝品牌M.I.S、法國運動鞋品牌PATRICK、日本長青袋品牌PORTER 等合作,帶嚟STRICT-G 聯乘各地時裝限定商品,無論係高達迷或時裝迷都唔好錯過呢個機會嚟掃貨喇!

最觸目係入口嘅擺設,以香港風嘅霓虹燈招牌同《STRICT-G × mastermind JAPAN》1.5米高嘅渣古 II模型!機艙場景配上巨型高達頭像圖案,粉絲必定打卡!

單品款式極多,當中仲有7月1日Netflix上架嘅《閃光之凱薩衛》服裝小物,仲有日本都已部份斷市嘅《獨角獸高達》10周年限定品。

推介入手貨

地點:尖沙咀河內道18號K11 Art Mall B2/F B2 Pop-up Store

開放時間:即日 ‑ 2021年7月25日 11am ‑ 9pm

少年漫畫 —《咒術迴戰》

有《鬼滅之刃》接棒作之稱嘅《咒術迴戰》,呢部備受追捧嘅系列堪稱係今年下半年最具潛力嘅《周刊少年Jump》話題作。

喺尖沙咀 K11 Art Mall(G01號)設置大型打卡布景,場內發售過百款周邊商品,當中有多款香港限定獨家產品,《咒術迴戰》pop-up 期間限定店設網上預售

將原著元素神還原,連專屬盒嘅特級咒物 —— 兩面宿儺手指USB 喺限定店發售!一系列商品,包括最強咒術師五條悟嘅造型眼罩、場景盒玩、胸章、拼圖同A4 file等,等緊粉絲們入手收藏!

記得同各心愛一比一尺寸嘅咒術師們瘋狂打卡。有勇氣同詛咒之王兩面宿儺及特級咒靈圑隊夏油杰合照打卡嗎?

想睇《咒術迴戰》動畫,可以喺 Ani-One 或 Netflix 嘅串流平台上觀看,而粵語配音版喺七月會上架 Ani-OneHMVOD 同Bilibili

睇唔夠?Mark 低8月31日,咒術迴戰限定店將會喺K11 Art Mall 開幕!

地點:K11 Art Mall 地下G01

開放時間:即日至2021年7月31日11am – 9pm

Comment比我,一齊分享吓!

%d 位部落客按了讚: