香港有好多好有歷史價值嘅教堂,而每一個教堂都有各自嘅特式同經歷,以下為大家介紹8個靚教堂,你哋去過未?溫馨提醒:教堂屬係私人地方,去打卡記得唔好騷擾到其他信徒!

聖母無原罪主教座堂

位於港島嘅聖母無原罪主教座堂係極有標誌性的歐陸建築。聖堂只係以磚同石建成,仿歌德式設計嘅建築和巴黎聖母院風格相似,教堂形狀就好似一個拉丁十字架。

歷史從1843年開始,前身係位於砵典乍街同威靈頓街交界,但經過1859年火災同重建後,現在所見嘅教堂位於堅道,係1888年啟用,2010年被評為一級歷史建築。

開放時間:每日7am – 7pm

地址:半山堅道16號

前往方法:中環地鐵站D2出口,行去德己立街搭城巴12M、40M 號或新巴13、23A 號

座堂網站:cathedral.catholic.org.hk

愉景灣海濱白教堂

全港首間海濱白教堂喺2012年12月12日係喺香港愉景灣酒店正式揭幕,其設計典雅中見時尚,別具心思,展示現代與經典融合嘅設計意念,亦成為愉景灣地平線上鮮明優雅嘅標誌。新人更可以坐馬車去到婚慶禮堂,實現童話式嘅夢想婚禮。

基本上平日都係不得進入,除非有新人進行婚禮,所以到訪嘅朋友只可以透過玻璃窗望入去。

以往仲有全港獨一無二嘅歐式古典帆船The Bounty 舉辦婚禮派對。The Bounty仿古帆船(「濟民號」)嘅本船H.M.A.V. Bounty 建於1784年,擁有超過220年歷史,為英國航海史上寫下了家喩戶曉嘅傳奇故事。而仿古帆船建於1978年,喺2007年11月進註香港愉景灣,不過好可惜喺2017年8月1日退疫及移走了。

地址:大嶼山愉景灣海澄湖畔路88號

前往方法:

1. 中環三號碼頭,搭渡輪( 航程約為25分鐘 )

 2. 由港鐵東涌站,轉搭DB01R巴士往愉景灣碼頭

3. 由港鐵欣澳站,轉搭DB03R巴士往愉景灣碼頭

官網:https://www.aubergediscoverybay.com/zh-tw

聖約翰座堂

係香港現存最古老嘅西式教會建築物,見證咗香港多年嚟經歷嘅風雨變遷。教堂以青磚同石材建成,設計揉合咗13世紀早期英格蘭式以及中期哥德式嘅建築風格。喺1847年奠基,1849年落成同1852年祝聖。

座堂原本設計為牧區教堂同英軍駐防軍聖堂,鄰近美利兵房同操場。1873年座堂擴建為十字形嘅建築物,而建於19世紀嘅舊禮堂,則由1918 – 1921年間興建嘅李堂所取代。喺日佔時期(1941 – 1945年),聖約翰座堂仍然用作禮拜堂,但後來改為日本人會所,因而遭受破壞,戰後旋即重開,並得到逐步復修。教堂喺1996年列為香港法定古蹟,亦係遊客必到嘅觀光景點之一。

座堂開放時間:

主日、星期一、二、五: 7am – 6pm

星期三: 7am – 6:30pm

星期四: 7am – 5pm

星期六: 7am – 7:30pm

公眾假期: 9am – 4pm

地址:中環花園道4-8號

前往方法:由港鐵中環站K出口行大概10分鐘

座堂網站 : https://www.stjohnscathedral.org.hk/Page.aspx?lang=2&id=141

聖公會聖馬利亞堂

香港港島僅存嘅糅合中國特色同文藝復興建築風格嘅教堂,現被列為香港一級歷史建築。

喺銅鑼灣經歷咗過百年嘅歷史,於1911年成立,經歷過第一、二次的世界大戰、三年零八個月嘅艱苦歲月。重建於1936年,1937年完工。喺唔同嘅時期,無數信徒不停為教會成立、建堂、建牧師樓、安裝玻璃窗、冷氣等等,先有現今這座美輪美奐嘅聖堂。相信無可否認,聖馬利亞堂嘅建築設計係非常特別,正面外牆仿照中國宮廷設計,大門前面有數十級石階,而建築物內部則採用西方傳統教堂嘅設計。

開放時間:星期一至五 8:30am – 4:30pm

(公眾假期及特別聚會除外) 

地址:香港銅鑼灣大坑道2A

前往方法:銅鑼灣E出口,行大概8分鐘去聖保祿醫院方向

教堂網站: http://dhk.hkskh.org/stmary/index.aspx

伯大尼小教堂

(法語:Béthanie)這座已有140多年歷史嘅小教堂,於1875年由巴黎外方傳教會建成,為傳教會士嘅休養之所。「伯大尼」係聖經中耶穌救活死去多天嘅拉撒路所在村落嘅名字,有救活病人嘅含義。

伯大尼修院具新哥德式建築風格,主要由小教堂、療養院同僱工區三部分組成,設計布局對稱。建築物四面均有外廊,外牆由底層基座嘅毛石同硺石牆、裝飾扶欄,以及尖拱柱組遊廊構成。整幢建築物以其美侖美奐嘅小教堂最具特色。

現為香港演藝學院的伯大尼校園,屬於香港法定古蹟。

可預約參觀法國巴黎銀行伯大尼博物館及參加導賞團。 熱線:31288288 ; 網上訂票:www.hkticketing.com。 

地址:香港薄扶林道139號

前往方法: 薄扶林村落車

  • 巴士路線指南: 4, 4X, 7, A10, 30X, 37B, 40, 40M, 71, 90B, 91, 970, 970X, 973
  • 專線小巴路線指南: 22, 22S, 22X, 23, 23M, 31

基督君王小堂

正名為基督君皇小聖堂,建於1928年,由法國巴黎外方傳教會羅拔神父構思,何東夫人資助興建費用。由1995年起,修院嘅小教堂被改名為基督君王小堂。

教堂以古典復興風格興建,用早期基督徒嘅羅馬式建築,圓拱頂設計,配以科林斯式石柱 (除咗角落嘅柱係方形外)。內部以古典風格布置,地上鋪有色彩豐富嘅馬賽克地磚,加上華麗嘅天使雕刻,令教堂顯得相當典雅;現時被列為一級歷史建築。

聖堂右邊入口旁有一條螺旋形樓梯,可直達包廂,居高臨下可觀看整個聖堂,樓上體既管形風琴已經壞咗,已成為古董。

開放時間:星期一至六 8:30am – 5:30pm,星期日 : 8:30am – 1:30pm

地址:銅鑼灣加路連山道33號 聖保祿修院

前往方法:銅鑼灣站F1出口,沿恩平道一直上

教堂網站:http://www.srspc.org.hk/tc/christ_the_king_chapel.php

道風山雲水堂

道風山基督教叢林位於沙田道風山,是挪威宣教士艾香德博士於1930年在香港創辦,由丹麥著名建築師艾術華設計。道風山基督教叢林係一個以中國傳統文化藝術手法去宣揚基督福音教義嘅地方。叢林嘅寺院式建築,例如其聖殿的外型,叢林內的道風山全圖、聖經故事彩瓷等,充滿中國風格。叢林內有教堂、圖書館及藝術繪瓷店。教堂聖殿同雲水堂可作主日崇拜同退修避靜之用。叢林嘅東面屹立著一大十字架,高12米,係叢林嘅標誌。

開放時間:星期一至日 9am – 5pm

地址﹕香港 沙田道風山路33號

前往方法:可從沙田或大圍港鐵站乘坐的士,車程約需十分鐘,亦可從沙田港鐵站經排頭村步行約20分鐘

堂網:http://www.tfssu.org/pilgrim_cn.html

玫瑰堂

係九龍區歷史最悠久嘅天主教聖堂,奉玫瑰聖母為主保。於1905年建成,落成至今已超過一個世紀。

這座教堂嘅設計係典型嘅哥德式建築。原本嘅平面設計採用羅馬公共會堂(Basilica)模式。1950年擴建中廊(Nave)之後,教堂嘅平面更呈拉丁十字形,長長嘅中軸經過聖洗池而導向祭台後方嘅半圓形聖所,象徵著生命嘅旅程,通過死亡而達永生。外牆用象牙色襯托紅磚牆而成,特別之處在於祭台上方牆壁嵌有《玫瑰經》的圓形圖像。

喺2010年被評為一級歷史文化建築。

開放時間:星期一至六 9am – 5pm,星期日及公眾假期休息

地址:九龍尖沙咀漆咸道南一二五號

教堂網站:https://rosarychurch.catholic.org.hk

Comment比我,一齊分享吓!

%d 位部落客按了讚: