位於香港新界離島區大嶼山嘅東部,梅窩原本係漁村,當年同大澳差唔多,近岸搭咗唔少棚屋同漁船聚集,因為梅窩環境優美,所以後期以旅遊業為地區經濟發展,就將居民安置到圓桌村同銀灣邨,清拆棚屋同木屋。

單車係梅窩嘅主要交通工具,周圍都有單車徑,去到梅窩碼頭就有幾間單車檔,可以租借單車遊覽梅窩或步行遊覽。環遊全島景點大概2個鐘,時不宜遲,馬下睇下!!

梅窩共有6個更樓,以前用嚟監視、防範海盜入侵嘅作用,但隨著時代變遷,宜家保存得較完整的嘅只有2個 (袁氏更樓 & 鹿地塘更樓 ) ,其餘已損壞。

袁氏大屋 + 更樓

沿銀鑛灣路到銀河苑轉左,右邊有小路行,幾分鐘後就會見到袁氏大屋;又名「裕德利圍」,係昔日國民黨抗日遊擊司令 — 袁華照先生既舊宅;建於二十世紀初,由花崗石築成既堡壘型建築,可以抵擋槍炮攻擊,保衛家園,經過歷史洗禮。袁氏更樓歷史意義重大,被評為2級歷史建築。宜家大屋外圍已經上鎖,遊人到訪只可以喺圍欄外觀賞同打卡。

欣賞完就折返到梅窩休閒樂園,沿鹿地塘村徑行就會到達鹿地塘更樓。

鹿地塘更樓

沿鹿地塘村徑,會經過梅窩學校同北帝宮,之後去到梅窩鄉事會路轉左上香港奧運徑-梅窩段,沿路石磚地同有清晰嘅指示牌,唔怕盪失路,易行輕鬆!加上環境清幽,鳥語花香;冇耐就會見到仿龍貓巴士站。

文武廟

建於明朝萬曆年間,至今已有過400多年歷史,主要供奉文帝同武帝。正門兩旁有象徵一文一武嘅圖畫,分別描述堯舜同岳飛嘅故事。左門係堯天舜日,描述堯搵到舜嘅情景。右門係岳飛母親手為岳飛刺上盡忠報國大字,象徵忠義。歷經幾次重修,仍完整地保留著傳統廟宇嘅風貌。而每年農歷五月十三,白銀鄉村村民都會聚首一堂,到此為二帝舉行寶誕,場面熱鬧。

銀礦瀑布 + 銀礦洞

銀礦瀑布以清澈而閒名,遊人可以穿棱於石間,近距離感受流水奔騰而下嘅威力,絕對係洗滌人心既悠閒秘景!

距離銀礦瀑布不遠處,係銀礦洞嘅其中一個入口;曾經係村民採摘銀礦之地,但後來因發生意外內部被政府封住,只可喺洞口窺視同打卡。

銀礦灣泳灘

無論平日定係假日,人流都唔多,有時仲會見到牛牛出沒。沙灘格外寬闊,可以靜靜地躺於綿綿沙床之上,同大自然連為一體;睇日落一流!

梅窩文化展覽中心

入面有歷史照片、昔日居民生活器具,甚至係梅窩銀礦場嘅礦石,地方唔大,但值得一去。

地址︰大嶼山 梅窩鄉事會路1號

洪聖古廟

由涌口搬到現址,以紅色磚牆配搭青色瓦頂,廟前還有一對腳踏金球的雌雄石獅。據說洪聖是唐朝重臣洪熙,曾設立氣象台,預測天氣,造福漁民。但因過度辛勞而英年早逝,被皇帝追封為「南海廣利洪聖大王」,後世奉他為海神,建廟紀念。

梅窩+

熱愛本土文化嘅朋友,可以留意下梅窩+週末市集,市集不定時舉行,位於梅窩涌口街嘅舊米舖年豐會舉行。梅窩 + 推廣梅窩文化嘅非牟利機構,舉行唔同活動如工作坊同體驗。

交通

中環六號碼頭搭船船程:

  • 普通船 50至55分鐘
  • 高速船 35至40分鐘

詳細船期及收費表:運輸處網站

東涌巴士總站搭3M巴士

車程:約43分鐘 ( 收費:新大嶼山巴士3M )

Comment比我,一齊分享吓!

%d 位部落客按了讚: