沙田有條城門河,風光秀麗、景色宜人。平靜嘅河面上仲會有人划艇同龍舟競渡。河上仲有一座叫「瀝源橋」嘅白色拱橋,跨越中游之上,橋身呈拱形狀,兩端則以斜坡設計,東南端有瀝源橋亭,仿照中國傳統風格建造,建於1988年。而沿住城門河旁邊有唔少公園同海濱花園!去齊未呢?

沙田中央公園

現名沙田公園,園內有多個特色花園,栽種咗400種本地同外來植物,唔少係罕見嘅品種。

「結客場」:位於公園嘅中心,連接住沙田大會堂同瀝源橋。有露天劇場、噴水池,觀景台同小食亭。

「南園」:有高18米嘅瀑布喺山丘峭壁傾瀉而下,直達大水池,並與湖心島、拱橋及涼亭相連。仲有小朋友喜愛嘅南園兒童遊樂場,啱哂帶小朋友嚟放下電!

「北園」:為中國庭園,有連綿起伏的「龍背」圍牆及列柱式的涼亭;同樣都有個北園兒童遊樂場同草地俾小朋友。

「藝術廊」:圍牆花園、日影廊、草地、長者健體園地、石卵徑、杜鵑園、水池花園,西式花園同馥園;逢星期六、日同公眾假期早上9點到晚上7點,展出香港藝術家創作嘅藝術作品,係一個俾藝術愛好者展示繪畫、雕刻、書法同陶器等手工藝作嘅地方。

其他設施:單車亭提供租單車同單車維修服務;仲有健行徑以比公眾使用。

城門河第一 / 第二海濱花園

有兒童遊樂設施、木製長椅,公共廁所等等,最適合去跑步,踩單車!

圓洲角公園

公園原址係沙田海中嘅圓洲角一小島,因為發展新市鎮就填海,令到小島成為城門河東嘅一部份。

公園環繞圓洲角小山綠化地帶興建,山下公園設有卵石步行徑、遊樂場地同流水景色。登山小徑可登上山丘最高點,山腰有觀景亭同野餐區俾遊人休息,山頂設有觀景地圖同日規,山丘最高點有地政署嘅三角測量站。

嚟到圓洲角公園就一定要去埋圓洲角山腳嘅一座法定古蹟 — 王屋村古屋,係圓洲角歷史唯一嘅印記。王屋村古屋又叫王屋,王屋嘅歷史源自清代乾隆間(1736-1795)一對廣東興寧縣嘅王氏夫婦建立。現時嘅王屋係由王氏第19代族人王清和大概喺1911年所興建,具嶺南古屋特色。

王屋正門就有精緻嘅浮雕泥塑,做工精細,而全屋嘅用料係青磚同花崗石,房屋亦保留咗傳統木柵拉門「趟櫳」。屋內可見具西方特色嘅拱門同壁畫,繫樑雕刻住「百子千孫」同「長命富貴」等吉祥語句。

部分地板為菱形嘅廣東階磚;王屋側面牆身以草尾灰塑為裝飾,屋右邊更有三個石柱遺址;再過少少就係王氏祠堂,僅可見祠堂三角頂。王屋左邊近山有一個唔顯眼嘅四方圍欄,係一個古井,現時已遮蓋井身。

王屋開放時間:

星期一丶三至日

早上9點至下午1時,下午2時至5點

彭福公園

位處沙田馬場中央,於非賽馬日對外開放,為沙田居民及來自各區的遊人提供一個優美怡人的消閒好去處。彭福公園亦是本港著名的寵物活動場地,公園內備有不同的設施,方便市民帶同寵物到來享受假日。憑著迷人的景觀及園林,成為野生白鷺等野生雀鳥的理想居停。奧運馬術賽後,馬會於彭福公園內展出了多項極具紀念價值的奧運展品,包括奧運聖火火盆、奧運五環,附有多名國家奧運金牌選手簽名的馬匹模型,以及奧運馬術賽欄障。

安景街公園

最大特色係近期種咗10棵櫻花樹系城門河旁邊,大家可以系櫻花盛開嘅季節嚟,一邊賞花,一邊欣賞河畔景色,係香港少見嘅賞櫻新地點!

Comment比我,一齊分享吓!

%d 位部落客按了讚: