大埔除咗林村許願樹同大埔海濱長廊之外,大埔墟係香港歷史悠久嘅墟市,而有啲具有歷史價值嘅文化特色往往隱藏喺日常生活環境當中。今次帶大家去大埔墟老地方同老字號打卡!

小小路線:大埔墟站 > 綠匯學苑(舊大埔警署) > 舊北區理民府 > 陳漢記粥麵專家 > 華立茶餐廳 > 舊大埔墟火車站 > 文武二帝廟 > 廣福橋

綠匯學苑(舊大埔警署)

喺1899年落成,列為一級歷史建築;前身係舊大埔警署,之後經翻新活化,推廣低碳生活,由古蹟導賞、工作坊同低碳食堂,向大眾帶嚟健康生活。

除咗可以參觀舊式嘅紅磚建築、用古舊電話聽語音、喺犯人室打卡之外,學苑仲可以比你住宿體驗一下,不過就要一早預約咗先啦!

*但因應疫情關係,導賞服務及團體參觀會暫停直至另行通知。

地址:大埔運頭角里 11 號

開放時間:11am-5pm(星期三至一開放,逢星期二休館)

入場費:全免(已預約訪客可優先進場)

網上預約:預約入場

住宿體驗預約:綠匯學苑客房

前往方法:港鐵大埔墟站A2出口,向運頭角道休憩處步行,再沿運頭角里上斜坡,步行10分鐘 或 乘搭巴士於大埔廣福道巴士站下車,步行10分鐘

舊北區理民府

北區理民府大概喺1907年興建,係英國租借新界後最早嘅民政中心。新界北部嘅行政同土地註冊工作都在此辦理。直至1961年,理民府內仍有一個裁判司法庭,更喺1981年列為古蹟。而該建築物喺1983年停止用作理民府嘅辦公大樓。1988年至2000年間,曾經俾環境保護署用作為大埔分處,2002年開始就用作香港童軍總會新界東地域羅定邦童軍中心。

北區理民府高踞山丘之上,原分為南北兩座單層嘅建築物,係20世紀初典型嘅殖民地建築,大樓以紅磚築砌,東西立面都建有寬敞嘅磚拱遊廊同拱形門窗,外形優雅堂皇。建築物整體上未經重大嘅改建,但喺二次大戰後喺中間加建連結兩座,更喺北座加建多一層,而在內曾放咗一台小砲,但現今只餘空砲架。另外房間入面嘅古典壁爐仍然保存良好,保留了咗建築物嘅原有特色。

*童軍總會表示為免影響運作而作出的保安措施,參觀者必須預先致電中心辦事處查詢當日中心外圍開放詳情。

地址:大埔運頭角里15號

電話:2667 9100

陳漢記粥麵專家

一間老字號茶記經常排長龍,主打30多款香噴噴既煲仔飯,腸粉也是小店名物,全部即叫即蒸,皮薄餡靚。

地址: 大埔運頭街89 – 91B號

營業時間:星期一至日11:00am – 04:00am

華立茶餐廳

大埔墟超人氣老字號茶餐廳,24小時營業,年中無休,係街坊們早午晚餐及下午茶常到的食肆。各式粥粉麵飯,一應俱全。又設自家餅房,蛋撻、港式麵包、西餅、蛋糕、曲奇等等。

地址:大埔寶鄉街48號

香港鐵路博物館(舊大埔墟火車站)

香港鐵路博物館位於大埔墟市中心,係舊大埔墟火車站原址上改建而成嘅戶外博物館。舊火車站大樓建於1913年,係一座風格獨特嘅金字頂中國傳統建築,服務七十年後,喺1983年關閉。火車站喺1984年被列為法定古蹟;經修復同重新佈置後,博物館於1985年開放予市民參觀。

地址:香港大埔大埔墟崇德街13號

開放時間:星期一、三至日 10am – 6pm、聖誕前夕同農曆新年除夕 10am-5pm

休館日:星期二(公眾假期除外)、農曆年初一及二休

文武二帝廟

係典型嘅古式建築,四周建有圍牆以保持環境清靜,入口以青磚同磨光花崗石築成,兩道側牆同屋脊均有灰泥懸飾,屋頂邊緣的嘅簷板更係典型新界建築物嘅特色。當年由大埔七約鄉民集資興建,1892年落成啟用,作為七約鄉公所辦事處,直到1954年新鄉公所落成後,先改為奉祀文昌帝同關武帝,從而文武廟標誌住大埔市集嘅形成。

文武廟內供奉嘅神像原為木牌,1984年5月11日香港政府將文武廟列為法定歷史建築,受古物及古蹟條例保護,係新界首座受保護嘅建築物。由於文武廟年代久遠,殘破不堪,七約鄉歷屆嘅委員都希望古廟重修,巧遇政府當局發展大埔,喺1985年將古廟進行大規模嘅修復工程,並安放文武二帝聖像供後人敬崇,煥然一新,令其傳統中國式建築物嘅形象更加突出。

地址:大埔富善街

開放時間:每天 9 am – 6 pm,免費供遊客參觀。

廣福橋

喺1896年大埔七約為方便鄉民往返林村河兩岸,倡議集資興建橫跨兩岸嘅橋樑,橋躉以石疊砌,而橋面用長形石板鋪砌,因此修建咗「廣福橋」,仲立碑喺文武二帝廟入面。而喺1898年英國租借新界後,為咗一輛大車經過而喺廣福橋側興建咗一條行車橋樑。直到1957年,香港政府再將行車橋樑擴闊,重修橋躉,令到廣福橋成為一條雙線行車道路。但喺1986年,港府將整座橋樑拆咗,將原址改建成一條只供行人同單車使用嘅紅柱綠瓦行人橋,更保留咗舊橋拆落嚟嘅石欄杆、石躉裝飾。

Comment比我,一齊分享吓!

%d 位部落客按了讚: