荔園作為 50-90 年代嘅主題樂園,荔園遊樂場喺1997年結業,係唔少香港人嘅集體回憶。將軍澳廣場由即日至8月10日舉辦歡笑樂園開心地「荔園時光之旅」,穿梭時光隧道返到1949年荔園開幕,展出過半世紀歷史荔園「旋轉木馬」真品同近百件荔園收藏品,從唔同角度將昔日荔園場景同舊物珍藏重現眼前,配合經典遊戲攤位,俾大人細路探索荔園嘅唔同風光面貌同特色,重拾昔日嘅歡樂時光。

活動分為三大主題專區 – 「好時光收集區」、「荔園奇趣世界」同「經典重現區」。

「好時光收集區」

一隻過50年歷史嘅荔園「旋轉木馬」真品,由荔園流金歲月餐廳借出商場作首次公開展出,更得到資深收藏家悉心搜羅嘅近百件珍貴荔園收藏品作展出,當中包括絕版多年嘅荔園閃卡、入場門票、剪報同其他精彩收藏。每件古董實物都細訴著一段屬於荔園唔同時代嘅獨特故事,印證荔園逾半世紀嘅發展變遷。

除珍罕收藏外,將軍澳廣場更特設歷史時光隧道,引領大家穿梭從1949年至一零年代嘅荔園,回顧荔園從開業初期走向輝煌,到光榮結業同後期發展,更特別介紹鮮為人知嘅宋城歷史、各種經典機動遊戲同表演節目,俾大家深入了解荔園。家長更可透過展覽同小朋友分享舊日回憶和情懷,傳承本地文化。

「荔園奇趣世界」

展出由本地著名微型藝術單位 TOMA Miniatures 精心製作嘅荔園微縮模型。模型以 1:64 比例重塑70 至 80 年代全盛時期嘅荔園面貌,帶領觀眾遊走多個具代表性的地標,如荔園城堡、百麗殿舞台、動物園、宋城同恐龍屋等。除咗可以亮燈之外,部分遊樂場設施,如摩天輪、旋轉木馬同海盜船等更以動態呈現,製作非常細膩趣緻。

「經典重現區」

帶嚟最受歡迎嘅荔園攤位遊戲,包括經典之最「歡笑樂園掟階磚」同首次喺商場開放試玩嘅「開心滿FUN 滾球樂」,讓大人小朋友重拾童年回憶嘅同時可以大顯身手,贏取豐富獎品同電子優惠券!

時間: 即日至2021年8月10日 11am – 8pm

地點: 將軍澳廣場一樓中庭

Comment比我,一齊分享吓!

%d 位部落客按了讚: