一講到尖沙咀,以前好多人會諗起係大鐘樓,文化中心同太空博物館。不過現今社會文化水平不斷提升,日新月異,沿尖沙咀海旁的建築亦都改變咗唔少。近年就已經重建了充滿藝術世界嘅香港藝術館、興建了文化潮流尖端嘅K11 Musea(K11人文購物藝術館)、活化尖沙咀海濱花園等等;但只有天星碼頭嘅渡輪多年不變,香港嘅標誌,依然都係每個遊客同香港人打卡既好去處。

K11 Musea (K11人文購物藝術館)

係香港尖沙咀維港海旁嘅一座大型購物中心,喺2019年8月26日開幕,樓高10層,以購物藝術館為經營理念,打造文化潮流新地標。

K11 Musea嘅外牆係全球最大嘅綠化牆之一,由泰國景觀設計工作室 PLandscape 設計。而地面嘅圓形露天廣場 Sunken Plaza,設有動態水幕牆,並裝上噴霧系統。上方仲設有25呎高嘅 LED 屏幕,用嚟戶外電影放映、現場音樂會同各種藝術表演。

而中庭由 LAAB Architects 設計,命名為 Opera Theatre,高達33米,有數百盞燈飾組成螺旋形效果。而天花拱頂 Oculus 設兩個7米闊的天窗。每個樓層嘅設計都各有特色,除咗可以營造不同效果之外,亦可以作展覽、藝術表演同 pop-up 商店嘅多用途空間。

懸掛心型裝飾—C’est Mon Coeur,比你喺缪斯女神嘅心底下,為愛許願。暗紅色調唔止代表法式優雅紅嘅浪漫,更表達內心對愛充滿渴求與憧憬。告訴走到心型底下的每一位,敢於追求幸福,為愛許願。

連貫商場2樓至3樓的Big Steps

7樓嘅天台花園Bohemian Garden更設有草坪、流水台階同戶外用膳空間。而花園內的Peacock Playground由丹麥遊樂設施設計團隊Monstrum設計,設9米高的孔雀(需網上預約才可進入),小朋友可沿流線狀的尾巴爬到6米高嘅大型滑梯。*不過因疫情關係,而家暫時關閉。有關幾時重開就要留意番K11 musea個官方網站或 K11 HK app!

Donut Playhouse

位於前名店城位置,設全港首個横跨室內三層巨型人物造型滑梯,由丹麥設計師Ole Barslund Nielsenb設計。

Donut Golf Club係全新遊戲,係全港唯一以科學為主題嘅室內兒童高爾夫球遊樂場,場內設有「遊戲區」、「練習區」、「觀眾草坪」同「高爾夫龍虎榜」。「遊戲區」共有四款唔同設計嘅球道,唔單止考驗小朋友嘅技巧、眼界、協調力同準確度,仲可以喺觀察事物中學習科普常識同背後理論。「練習區」設簡單球道,供小朋友反覆練習,更快掌握高爾夫球技巧。「觀眾草坪」可以比家長喺隔離休息之餘,仲可以幫小朋友「打卡」記低打球英姿。如果小朋友表現卓越,仲可以挑戰No.1寶座,喺「高爾夫龍虎榜」留下紀錄。快點嚟同Donut & Ah Meow挑戰拉!

Klook 購票優惠 : Donut Playhouse入場券

開放時間:星期一至日及公眾假期 11am – 7pm 

清潔時間:1:30pm – 2:30pm

K11 musea 仲定期有唔同嘅藝術展覽同活動。現時搞緊嘅係:

六層藝術導覽(6F, K11 MUSEA)

MASSIMO DE CARLO Gallery Pop-up

這個嶄新嘅Pop-up 藝術空間,會以畫廊藝術家為焦點,透過展示其極具前瞻性嘅藝術項目,同香港充滿活力嘅一面產生互動,並同Victoria Dockside 舉辦嘅活動共融,以達至推廣藝術、促進藝術環境發展等目標。

MASSIMO DE CARLO Gallery Pop-up 將藝術同空間完美結合,同觀眾展開一場全新嘅對話。藝術空間將開放至五月底,不容錯過!

Katharina Grosse《無題》

展覽日:星期一至星期日,中午12時至下午7時半

《梵高的耳朵》

海濱長廊欣賞首次登港嘅《梵高的耳朵》藝術裝置,挪威與丹麥藝術家組合 Elmgreen & Dragset 打造九米高嘅直立游泳池裝置,白池藍水同不銹鋼梯子、跳水台還原真正泳池的感覺。

「尋跡」

係香港首個全面展示和教育中東歐當代藝術及作為文化交流橋樑的嘅項目,以藝術品搭建溝通橋樑,促進各地文化交流。 「尋跡」中一系列精選作品引領人探索有關「時空」同「記憶」,探討有關記憶嘅形成同詮釋。每件作品代表著唔同嘅個人經歷,卻又反映到歷史上嘅集體回憶,穿插喺時空同記憶之間,兩者相互填補。

為配合作品,K11 Art Foundation及Q Contemporary將推出一系列活動,包括導賞及工作坊。

導賞日 :即日到2021年3月10日

時間:10a.m. – 10p.m.

舉辦樓層:K11 Musea 6樓 605

水上音樂噴泉匯演「Water of Stars」

「Water of Stars」是匯聚音樂及燈光效果的水上音樂噴泉匯演,噴泉水柱隨著由68人管弦樂團演奏的當代音樂翩翩跳動,配合迷人的五彩燈光效果,流淌出一幅水與光影交舞的壯麗畫面。

試演時間:

星期一至五6:00pm | 7:00pm | 8:10pm* | 9pm

星期六及日1:00pm | 2:00pm | 3:00pm | 4:00pm | 5:00pm | 6:00pm | 7:00pm | 8:10pm* | 9pm

*配有音樂及燈光效果。

尖沙咀海濱花園

俗稱係尖沙咀海濱長廊或尖咀海傍,位於香港九龍尖沙咀海旁嘅海濱大道,可以欣賞到維多利亞港嘅風景,日落西山嘅美景。

經過暫停開放3年去進行維修同改善工程嘅尖沙咀海濱花園,星光大道呈波浪狀向維多利亞港海面伸展,擴闊咗星光大道,興建咗梯級狀嘅臨海座椅、提供公眾休憩嘅特色蔭棚、音樂噴泉(配合幻彩詠香江)同表演浮台等,令到可以舉辦露天大型表演活動,去增加星光大道嘅吸引力!

香港藝術館 HKMOA

喺2021年2月19日 (星期五) 起局部開放,並限制入場人數同實施防疫措施,以保障參觀者健康。入場人士必須使用「安心出行」流動應用程式或登記個人資料,請提前作好準備。

開放時間為每日上午10時至下午5時,逢星期四休館

票務處將於閉館前30分鐘關閉

局部開放設施,開放展覽包括 :

  • 香港賽馬會呈獻系列:波提切利與他的非凡時空──烏菲茲美術館珍藏展 (收費展,即場購票)
  • 香港經驗‧香港實驗
  • 聚道傳承──敏求精舍六十周年
  • 「我思我坐」藝術計劃

所有互動式展品及公眾節目暫停。 

尖沙咀天星碼頭

位置近海運大廈同尖沙咀鐘樓,渡輪提供兩條航線,前往香港島北岸的中環碼頭和灣仔碼頭。

渡輪上嘅座椅非常特別,因為時而向前或向後航行,所以椅背嘅設計係可以向前或向後推,令乘客可以根據航程去調整座椅嘅方向。加上黃銅、柚木、蠟面同帆布受盡風吹雨打同海水嘅洗禮,經歷咗氧化同褪色,但依然保持優雅,令到歷史悠久嘅天星小輪更加別有韻味,成為咗香港嘅經典標誌。

坐一轉渡輪好平,又可以睇到壯觀嘅天際線,一覽無遺,真係會令人看到如癡如醉。白日同夜晚都有唔同嘅風光,特別喺日落時分!

*基本上渡輪每日都會營運,所以唔駛擔心冇得搭!

「一個海港,只有一個海港城」

相信大家對呢句說話唔陌生,喺維多利亞港海旁聳立咗五十幾年到現今,同香港一齊成長,係香港嘅購物嘅地標!喺2017年擴建咗大樓樓層嘅全新觀景台 –「海運觀點」。比公眾可以喺唔同角度盡覽海景,將新大樓打造成香港嘅新景點同新地標。

海運觀點

樓高五層嘅新大樓位處維多利亞港中心、三面環海、坐落於海運大廈末端,坐擁獨特又優越嘅地理位置。唔止係免費開放比遊人觀賞香港景色,而且位置臨海向西,係一個270度嘅觀景台,可以舉辦唔同類型嘅活動;其中有一個天然草坪可以比公眾喺草地上悠閒咁散步;仲有戶外梯級式看台,遊客可以坐低眺望香港島同九龍半島兩岸美景,欣賞香港嘅日落同夜景。

新大樓及「海運觀點」不定時舉辦各類型的特色表演及活動,但因應最近嘅疫情,連草地區域都關閉咗,但唔緊要!大家都仲可以系梯級式看台睇日落,你哋帶咗最愛嘅佢嚟未呀?

「海運觀點」開放時間: 07:00 – 24:00

*記得系海港城向住新大樓行,喺G/F有升降機直上R層,即係最頂果層,慳番好多腳骨力架!

Comment比我,一齊分享吓!

%d 位部落客按了讚: