坐落維港海旁嘅西九文化區將成為香港一個嶄新且充滿活力嘅文化藝術區。海濱長廊新段現已開放,飽覽維多利亞港同港島景緻,更係拍攝日落嘅好地方。可以沿住風景如畫嘅海濱長廊睇日落、跑步、踏單車,或悠閒散步,感受下未來文化區嘅景色同活動體驗。

自由空間

屬於藝術文化場地,內裡設有全港最大嘅黑盒劇場,更集酒吧、咖啡廳同多用途藝文空間「留白Livehouse」,帶嚟各類精采嘅演出。自由空間同當地及來自世界各地嘅藝術家合作,促進跨界別交流、締造嶄新藝術體驗。

4月活動:

留白 Livehouse 周末音樂表演

本周再度由本地樂隊送上多元化音樂!星期五晚,Teriver Cheung Quartet 將會送上迷人爵士樂。星期六晚就由 Good Funk Shui 陪你又唱又跳又大聲叫。星期日下午, 結他雙妹嘜 Winter Bagels 連同三位朋友Enoch、Daniel 同 Siukeung 帶嚟輕鬆舒暢音樂,絕對不能錯過!立即訂座預留位置感受下音樂。 

星期五 Friday 09.04.2021

晚上 7:30pm – 9:15pm | Teriver Cheung Quartet

星期六 Saturday 10.04.2021

晚上 8:00pm – 9:15pm | Good Funk Shui

星期日 Sunday 11.04.2021

下午 4:00pm – 5:25pm | Winter Bagels feat. Enoch, Daniel & Siukeung

訂座電話:+852-2868-4333

地點:藝術公園自由空間留白 Livehouse

M+展亭

藝術公園

綠油油嘅藝術公園係你放鬆身心的好地方,喺草坪上嬉戲、野餐、漫步、同寵物玩或沿海濱長廊欣賞維港景色,又或者去海旁嘅輕食店同餐廳邊享受美食邊睇日落,感受未來文化區嘅氛圍同活動體驗。

藝術公園亦定期舉辦「公園導賞及工作坊」,有興趣了解園內樹木及植物品種可以上官方網預約。

此外,藝術公園亦提供特別導賞服務 —「公園散散步」係一個15分鐘嘅導賞團,由公園大使分享設計同管理苗圃公園背後嘅故事。

苗圃公園

繼續對公眾開放。不僅為藝術公園培育植物,亦係公眾休憩的去處,仲可以供機構及團體租用,舉辦戶外活動。

為首屆「香港新晉建築及設計師比賽」嘅獲選設計 —「Growing Up」

展亭更係打卡好去處,外表極具藝術感,從唔同嘅角度欣賞但有唔同嘅透明度同獨特性,由唔同高度嘅木柱支撐整間斜屋頂,台階式嘅景觀設計更令人聯想起城市山坡上嘅梯級,用黎提供座位或唔同活動嘅平台;亦係舉辦小型活動嘅絕佳場地!不過疫情關係暫停開放,重新開放的話覆留意官網。

地址:尖沙咀西九龍文化區

開放時間:上午6時至晚上11時

交通資訊:港鐵、巴士、駕車或步行;自駕可到M+博物館停車場

網址:西九藝術公園網站

西九文化區仲有其他藝術建築起緊,其中就係M+ 博物館,香港故宮文化博物館同演藝綜合劇場。

M+博物館

展覽特設33個展廳,其中M+檔案藏品達46,750件。另設3間戲院,多媒體中心同餐廳。黎緊預計喺2021年年底全新開幕,比市民入內參觀。天台花園更可以180度飽覽維港景色,勢必成為最新週末好去處。

香港故宮文化博物館

用嚟介紹故宮歷史文化,展示精選嘅故宮博物院書畫、器物同古籍等藏品。預計會喺2022年年中對外開放。

演藝綜合劇場

係一個上演香港同國際優秀舞蹈同戲劇製作嘅頂級表演藝術場地。工程仍然進行中,期待建成後嘅另一棟藝術建築!

戲曲中心

特設為世界級表演嘅場地,中心大門就好似舞台嘅帷幕,步入其中猶如踏上台板,盡覽承載咗千年文化嘅戲曲藝術。這座特色同外觀都別樹一格,以一盞傳統中國彩燈為概念,糅合咗傳統同現代元素,為戲曲打造咗充滿時代感嘅新形象。

除咗於大劇院上演傳統戲曲表演,仲有茶館劇場重現昔日結合戲曲表演嘅茶館文化,特別適合對中國傳統文化感興趣或初次接觸戲曲藝術嘅觀眾。想更深入了解戲曲藝術。此外,中心入面仲有戲曲電影放映、工作坊、講座同展覽等活動。

地址:九龍尖沙咀柯士甸道西88號(鄰近中港城)

開放時間:上午10時至晚上10時30分

票務處:星期一至日上午10時至晚上9時

交通

港鐵

  • 由港鐵柯士甸站E出口經行人隧道步行約需1分鐘。
  • 由港鐵佐敦站C2出步行約需15分鐘。
  • 由香港西九龍站G出口步行約需2分鐘。

泊車:戲曲中心地面層設有時租車位,停車場入口位於柯士甸道西。

Comment比我,一齊分享吓!

%d 位部落客按了讚: